منافع بخش کام کون سا ہے

بسم اللّٰہ الرحمٰن الرحیم

کون سا کاروبار نفع بخش ہے۔ تحریر پوری پڑھیں۔۔۔ برڈ فارمنگ نفع نقصان وغیرہ کی ڈیٹیل میرا تین سال کا تجربہ آپ دوستوں سے ثواب کی نیت سے شئیر کر رہا ہوں۔

مرغی فارم بطخ فارم گوٹ فارم پر جامع اور تفصیلی تحریر پوسٹ کو شیئر کرکے کاپی پیسٹ کر کے اپنے اپنے گروپ میں شئر کریں تاکہ آپ کو بھی ثواب ملے۔

مسلمان حلال رزق کی کوشش کرے یہ حکم ہے لیکن یہ نہیں فرمایا گیا کہ دوسروں کی دیکھا دیکھی بغیر علم کے بغیر سیکھے کوئی بھی کام شروع کرو اور پھر جب نقصان ہو جائے تو کہو جی یہ سب اللّٰہ کی مرضی جی ہاں جی بس مقدر کی بات ہے وغیرہ وغیرہ۔

علم آپ کو نہیں تھا

سیکھا آپ نے نہیں

تجربہ آپ نے نہیں کیا

لوگوں کی باتوں میں آ کر کود پڑے کسی بھی کاروبار میں پھر نقصان پہنچا تو شکوہ شکایت تقدیر کی لے کر بیٹھ گئے۔

یو ٹیوب فیس بُک وغیرہ پر 95 فیصد بیوپاری لوگ ہیں۔ ان میں سے اکثریت نے تو یہ چیز رکھی ہوئی بھی نہیں ہوتی بس مارکیٹنگ کرتے مشورے دیتے نئے گاھک کا ذھن بناتے پھر اُدھر سے لے کر اِس کو نفع پر مال بیچ دیتے ہیں اور بیچنے کے بعد خریدنے والے کو نفع ہو نقصان ہو پرندے مر رہے ہوں بیمار ہو جائیں کچھ بھی ریپلائے بھی نہیں کرتے۔

جن سے مال خرید لیا دوبارہ آپ بیچنا چاھتے ہیں تو وہی چیز آدھی قیمت پر بھی نہیں لیتے۔ کہتے ہیں اس کو تو آپ نے بیمار کر دیا یہ نہیں بکے گا یہ علاج کرو وہ علاج کرو وغیرہ وغیرہ۔

سیدھے سادے لوگ فیس بُک یو ٹیوب پر ویڈیوز وغیرہ دیکھ کر جذبے میں آ جاتے ہیں بس اس سے میں لاکھوں کروڑوں کما لوں گا سوچ کر لے لیتے ہیں۔

میرے بھولے بھالے دوستو۔ پہلے مکمل تحقیق کرو کہ جو چیز جو جانور آپ لے رہے ہیں آپ کے پاس اسکے رہنے کی جگہ اس کی غذا اس کی بیماریوں اس کے علاج وغیرہ کی معلومات ہے یا نہیں۔

فینسی مرغی ویکسین اور وٹامن کے سہارے زندہ رہتی ہے اس کی رہائش کا ٹمپریچر اور نمی آپ کے کنٹرول میں ہو غذا کب کتنی مقدار میں دینی ہے کس وقت وٹامن دینے ہیں کس وقت فلیشنگ کرنی ہے۔

میں نے آسٹر لوب آر آئی آر وین ڈاٹ بلیک ہیوی بف لائٹ سوسیکس رنگ برڈ پلے ماوتھ راک وغیرہ تقریباً ہر نسل کی مرغیاں لی ہیں تجربہ ہونے کے باوجود ویکسین وٹامن دینے کے باوجود صرف ایک دو دن ٹمپریچر کنٹرول نہیں ہوا۔ گرمی اور مچھروں سے حفاظت نہیں کر سکےسب بیمار ہو کر مر گئیں۔ میرا لاکھوں کا نقصان ہوا۔

میں نے ڈیلر حضرات سے گزارش کی کسی نے ریپلائے نہیں کیا ایک سال چوزے ان نسلوں کے لے کر پالے دوسرے سال ایک ماہ کا چوزہ لیا ان بریڈ کا کہ شاید یہ بچ جائیں وہ بھی مر گئے پھر تیسرے سال بڑی مرغیاں لے لیں اس نسل کی کہ شاید ان کے ذریعے کامیابی حاصل ہو وہ بھی ان گرمیوں میں مر گئیں۔ ۔۔۔ میں نے ان تین سال میں یہ سیکھا کہ سب بیچنے والے ہیں اور نام بکتا ہے مطلب کس کے فارم کی بریڈ ہے یہ دیکھتے ہیں لوگ مجھ سے نا تو انڈے سیل ہو سکے نا چوزہ لیا کسی نے جہاں لوگ ان نام والے فارمر حضرات سے رنگ برڈ کا ایک ماہ کا چوزہ 4 ہزار کا لے رہے تھے میرے پاس جو ایک ماہ کا چوزہ تھا اس 300 سو روپے پر پیس ریٹ لگاتے تھے۔ سب مرغیاں جب مر گئیں تو ان سے ایک تجربہ یہ بھی ہوا کہ ہمارے ملک میں کئی طرح کے وائرس ہیں اور سب سے زیادہ مچھروں کے ذریعے پرندوں کو نقصان پہنچا۔ لہذا باھر ملک کی فینسی مرغی ہمارے ملک میں زیادہ دیر زندہ نہیں رہ سکتی۔

وٹامن وغیرہ پر پل بھی جائے تو عام خریدار کے پاس جاتے ہی مر جاتی ہیں نقصان ہی ہوتا ہے۔

لہٰذا غریب عوام سے اپیل ہے درخواست ہے اپنے پیسے ضائع نا کریں کسی ڈیلر کی باتوں میں آ کر کروڑوں کی لالچ میں اپنے ہزاروں ضائع نا کریں۔

مرغی فارم پر جا کر اس کا کام سیکھیں دوا علاج کرنا سیکھ لیں پھر جہاں سردی گرمی کنٹرول کر سکیں وہاں فارم بنائیں اور گولڈن مصری کا کام کریں یہ سب مرغیوں سے مظبوط مرغی ہے نفع بخش بھی ہے کچھ حد تک بیماریوں کا مقابلہ کرکے مالک کو علاج معالجے کا موقع فراہم کرتی ہے۔ لیکن اس کے بھی ہم نے جگہ جگہ فارم بنے دیکھے ہیں اور ان کی کامیابی دیکھی ہے اس لئے عرض کیا ورنہ میں نے یہ نہیں رکھی مجھے اس کا تجربہ نہیں۔

بطخ کا کاروبار بھی فلاپ ہے۔

گوٹ فارم کی بات کریں تو ساھیوال والے کہتے ہیں بیتل امرتسری راجن پوری اور ناگری مکھی چینی بریڈ پالنی چاھئے کہ وہ دودھ دینے والی نفع بخش بکری ہے اور ان کی یو ٹیوب پر ویڈیوز دیکھیں تو بندے کو جذبہ پیدا ہوتا ہے کہ بکریاں پالنی چاھئے اور ان سے دودھ حاصل کیا جائے وغیرہ وغیرہ لیکن ان کی ویڈیوز میں ہی کچھ چرواھے یہ اعتراف کرتے ہوئے دکھائی دیتے ہیں کہ صبح سے شام تک باھر چھوڑتے ہیں چرانے کیلئے شام کو انہیں گندم کا ایک ایک بکری کو ایک ایک کلو دیتے ہیں اور پھر اچھا دودھ دیتی ہیں ڈیڑھ کلو دو کلو کچھ بکریاں ڈھائی کلو تک بھی دودھ دیتی ہیں۔ اب غور طلب بات یہ ہے کہ اگر کوئی بندہ یہ بکری جو کہ ساٹھ ستر ہزار روپے سے لے کر لاکھ روپے سے زائد تک کی ملتی ہے لے لیتا ہے تو سارا دن چراگاہ کا حساب اور گندم کا حساب لگائیں تو یہ بکری بھی کوئی خاص نفع بخش تو نا ہوئی جتنی رقم دے گی اس سے زیادہ کھا جائے گی۔ اور یہ نسل پیدا ہونے کی 18 ماہ بعد کراس ہوتی ہے اور بچہ دینے کے بعد ایک سال تک بھی کراس نہیں ہوتی جو ہم نے ناگری بکری لی تھی وہ بچے کو دودھ نا دیں تو آدھا کلو دودھ دیتی ہے ایک ٹائم کا جو کہ انہوں نے ڈھائی کلو تک ایک وقت کا دودھ دے گی کہا تھا جب ہم نے لی تھی مطلب یہ کہ جہاں چراگاہیں موجود ہیں وہاں شوق کے طور پر یہ نسل پالنا نفع بخش کاروبار ہے لیکن جہاں چراگاہیں موجود نہیں وہاں یہ نفع بخش نہیں بلکہ قیمت سے زیادہ کھا جانے والی بریڈ ہے راجن پوری بیتل ناگری بیتل امرتسری بیتل وغیرہ۔

بکریاں پالنا انبیاء کرام علیہم السلام کی سنت ہے اور یہ یقیناً نفع بخش جانور ہے لیکن نفع تب ہو گا جب بندہ اس کی وہ نسل پالے جو اس کیلئے نفع بخش ہو مثلاً بیتل وغیرہ ان علاقوں میں پالی جائے جہاں سارا دن چراگاہ میں چرایا جائے ۔ اور شہر میں رکھنی ہے گھروں میں رکھنی ہے تھوڑے عرصے میں زیادہ نفع حاصل کرنا ہے تو ٹیڈی بکری کا کاروبار کرے۔

ٹیڈی بکری کو چراگاہ کی حاجت نہیں اس کیلئے گرمی سردی کا بھی کوئی مسئلہ نہیں آپ اس کو چھت پہ بھی پال سکتے ہیں سایہ دار جگہ بھی ہو چھت پہ۔

ٹیڈی بکری پیدا ہونے کے چھ ماہ بعد کراس ہو جاتی ہے پانچویں مہینے بچے دیتی ہے دو دو تین تین اور چار بچے بھی دیتی ہے خشک چارہ لوسن وغیرہ اس کی مرغوب غذا ہے پسندیدہ کھانا ہے جس پہ یہ فربہ ہوتی بچے اچھے پالتی ہے اور بچہ دینے کے بیس تیس دن بعد پھر سے کراس بھی ہو جاتی ہے دودھ بھی اس میں ایک وقت کا نصف کلو سے ایک کلو تک ہوتا ہے۔

یہ سردی گرمی برداشت کرنے والی بہترین نسل ہے۔ اس کا بچہ آٹھ ہزار سے دس ہزار تک بک جاتا ہے اور یہ خود بڑی بکری پندرہ ہزار روپے سے 25 ہزار روپے تک سیل ہو جاتی ہے۔ ۔

ٹیڈی بکریاں بیماریوں سے محفوظ رہتی ہیں کبھی بیمار ہو جائیں تو قابلِ علاج مرض ہوتا ہے۔ ٹیڈی بکری خود خرید کریں بیوپاریوں میں فراڈ جھوٹ بہت زیادہ پایا جاتا ہے ایمان دار وپاری بھی ہوں گے دنیا میں لیکن ہمیں ملا نہیں کوئی ایسا دیانتدار جس کے دل میں خدا کا خوف ہو جس کے دل میں احترامِ مسلم کا جذبہ ہو جھوٹ اور لالچ سے پاک سینہ رکھنے والا۔

ان فینسی مرغی اور خاکی کیمبل بطخ وغیرہ کے ڈرامے سے باہر نکل آئیں۔ اس میں زیادہ تر فراڈ ہے دھوکہ ہے میں دیہات کا رہنے والا ایک غریب انسان ہوں میں نے اپنی گائے بیچ کر اور جو رقم میں نے اب تک جمع کی تھی سب ان ڈیلروں کی نظر ہو گئی دل آزاری ہوئی ۔ نقصان ہی نقصان اٹھایا۔

میری بات سے جو متفق ہوں کومنٹس میں اپنی راۓ کا اظہار ضرور کیجئے گا۔ میں اب گھر کا سرکل چلانے کیلئے کچھ ٹیڈی بکریاں لینا چاھتا ھوں زکواۃ کا بھی مستحق ہوں بوڑھا ہو گیا ہوں مزدوری نہیں ہوتی اب آپ میں سے جو مالدار حضرات میرے ساتھ پاٹنر شپ کرنا چاھیں رابطہ کریں میں خوب محنت کروں گا پالوں گا اور رقم آپ کی ہوگی جانور میں خرید کر پالوں گا اس طرح آپ کو بھی نفع ہوگا اور مجھے بھی ۔